देउकृष्ण लिंखा याक्खाको निर्देशनमा रेखा फिचर्ड ‘यो जुनी’ सार्वजनिक (भिडियो)

काठमाडौं । फिल्म निर्माता एवं कलाकार देउकृष्ण लिंखा याक्खाको निर्देशनमा नयाँ गीत ‘यो जुनी’को भिडियो सार्वजनिक भएको छ । नेक्स्ट जेनेरेशन इन्टरटेन्मेन्ट प्रालिको प्रस्तुति रहेको ‘यो जुनी’ गीतलाई भर्सटाइल गायक राजेश पायल राई र शान्ति श्री परियारले स्वरबद्ध गरेका छन् ।

खिर बहादुर लिम्बू ताम्लीको शब्द तथा रुपक जीमी याक्खाको संगीत रहेको यस गीतलाई महाराज थापाले एरेञ्ज गरेका हुन् । स्टुडियो किंगमा सुरेश राईले रेकर्ड गरेका गीतलाई राजु कार्कीले मिक्सिंग मास्टरिंग गरेका छन् ।

सार्वजनिक गीतको भिडियोमा अभिनेत्री रेखा लिम्बु र सुकचन्द्र थापा फिचर्ड छन् । भिडियोमा उनीहरुलाई नुमा माबुहांग लिम्बु, अजय जीमी याक्खा, रवि किरण मादेन, रेनुका गुरुंग, खिर बहादुर लिम्बु ताम्ली, सीता लिम्बु ताम्ली, संगीत लिम्बू ताम्ली, सुवास श्रेष्ठ तथा बाल कलाकार लुंगमा ताम्ली लिम्बु र कोहिनूर ताम्ली लिम्बूले साथ दिएका छन् ।

गीतको सार अनुसार निर्देशक देउकृष्णले भिडियोलाई उत्कृष्ट बनाउने प्रयास गरेका छन् । जहाँ फूलको पर्व तिहारमा एक चेलीले आफ्नो दाजुभाईलाई टीका लगाइदिने विषयबस्तुलाई प्रस्तुत गरिएको छ । भिडियोलाई सुजन श्रेष्ठले छायांकन तथा सम्पादन गरेका हुन् ।

पछिल्लो समय म्युजिक भिडियो निर्देशनमा ब्यस्त रहेका देउकृष्णले केही दिन अगाडि मात्र गायिका अनु चौधरी र न्युसन राईको आवाजमा ‘भुँई सोरी’ सार्वजनिक गरेका थिए ।