यस्तो बन्यो कृष्ण र इन्द्रकला राईको आवाजमा ‘जाम जाम पोखरा’ (भिडियो)

काठमाडौं । केही दिन अगाडि मात्रै गायिका पूर्णिमा लामाको आवाजमा ‘चोखो माया गर्छु भन्थ्यौ’ गीत ल्याएका गायक एवं संगीतकार कृष्ण राईले पुनः नयाँ गीत सार्वजनिक गरेका छन् । गायक राईले पूर्वेली गीत ‘जाम जाम पोखरा’ सार्वजनिक गरेका हुन् । गायक राईलाई ‘हितैको माया’ गीतकी गायिका इन्द्रकला राईले साथ दिएकी छन् ।
सार्वजनिक गीतमा पूर्वेली ठिटोको लम्जुंगे गुरुंगसेनीसँगको माया पिरतीलाई प्रस्तुत गरिएको छ । उत्तम पौडेलको शब्द रहेको ‘जाम जाम पोखरा’ गीतलाई गायक राई आफैले कम्पोज गरेका हुन् । कृष्ण भक्त राईले एरेञ्ज गरेका गीतलाई राजु कार्कीले मिक्सिंग मास्टरिंग गरेका हुन् ।
करिब दुई साता अगाडि मात्रै सार्वजनिक भएको ‘चोखो माया गर्छु भन्थ्यौ’ गीतले दर्शकहरुको राम्रो साथ पाइरहेको छ । ‘जाम जाम पोखरा’ले पनि दर्शक श्रोताहरुको राम्रो साथ पाउनेमा गायक राई विश्वस्त छन् । त्यसोत, गायक राईकौ ‘मै पनि हजुर पूवैको ठिटी’, ‘जिन्दगी काट्ने पिरती’, ‘उडी जाने वनचरी’लगायतका गीतहरु हिट छन् ।