यस्तो बन्यो दिपेन क्षेत्रीको निर्देशनमा ‘आई फाउण्ड माई लभ इन क्योतो’ (भिडियोसहित)

क्योतो (जापान) । जापानमा अध्ययनरत नेपाली विद्यार्थीहरुको संघर्षको कथा बोकेको लभ सिरिज हो आई फाउण्ड माई लभ इन क्योतो (I Found My LOVE in Kyoto) । यस लभ सिरिजका निर्देशक एवं कथा लेखक हुन् दिपेन क्षेत्री । उनले यस सिरिजको दुई वटा एपिसोड बजारमा ल्याइसकेका छन् ।

दुई एपिसोडबाटै दर्शकहरुको राम्रो साथ र प्रतिक्रिया पाइरहेका निर्देशक क्षेत्रीले अर्को एपिसोडको तयारी गरिहेका छन् । क्योतोको ह्याकुमान्बेनस्थित केसीजीआई (The Kyoto College of Graduate Studies for Informatics (KCGI)) मा अध्ययनरत क्षेत्रीले आई फाउण्ड माई लभ इन क्योतो मार्फत् अन्तराष्ट्रिय विद्यार्थीहरुको संघर्ष, मायाप्रेम तथा सुख दूःखका विषयबस्तुलाई प्रस्तुत गर्ने जमर्को गर्दै आएका छन् ।

क्षेत्रीको सोलो इफोर्टमा बनेको आई फाउण्ड माई लभ इन क्योतोको दोस्रो एपिसोड केही दिन अगाडि मात्रै सार्वजनिक गरिएको छ, जसले दर्शकहरुको राम्रो साथ पाइरहेको छ । निर्देशक क्षेत्रीले आगामी एपिसोडहरु अझ बलियो कथाका साथमा उत्कृष्ट बनाउदै जाने बताएका छन् ।

क्षेत्रीको आफ्नै पनि अभिनय रहेको यस सिरिजमा कञ्चन पहाडी, जाग्रित गौतम, हीना क्षेत्री, नीशा राना मगर, रेणुका चन्द, कूनाथ साली बलराम प्रणभ, विशाल, केशव, प्रियंका उप्रेती, विमल बोहोरा, सारु थापा मगरलगायत फिचर्ड छन् । सबै कलाकारहरु केसीजीआईमा अध्ययनरत विद्यार्थीहरु रहेको पनि निर्देशक क्षेत्रीले जनाएका छन् । सविन भट्टराईले छायांकन गरेका भिडियोलाई निर्देशक क्षेत्री आफैले सम्पादन गरेका हुन् ।

पहिलो एपिसोडः

दोस्रो एपिसोडः