टाइगर श्रफले दिशा पटानीलाई दिए जन्मदिनको शुभकामना, सेयर गरे थ्रोव्याक भिडियो
काठमाडौं, ३१ जेठ । बलिउड अभिनेत्री दिशा पटानीले आज आफ्नो २८ औं जन्मदिन मनाइरहेकी छन् । अभिनेत्री दिशा पटानीलाई उनका व्वाईफ्रेण्ड तथा एक्शन अभिनेता टाइगर श्रफले पनि जन्मदिनको शुभकामना दिएका छन् ।
जहाँ अभिनेता टइगरले अभिनेत्री दिशाको एउटा थ्रो–व्याक भिडियो सेयर गर्दै क्याप्शनमा लेखेका छन्, ‘३ वाफल्स र ३ वटा प्यानकेक पछि पाउनेछौं । ह्याप्पी वर्थडे रकस्टार ।’
अभिनेता टाइगरले सेयर गरेका उक्त भिडियोमा अभिनेत्री दिशा अंग्रेजी गीतमा पर्फमेन्स गरिरहेकी छन् । अभिनेता टाइगरले उक्त भिडियो सेयर गरेको केही घण्टामै ४ लाख भन्दा बढीले हेरिसकेका छन् ।
टाइगरको उक्त पोष्टमा फ्यानहरुले रोमाञ्चक कमेन्टहरु गरिरहेका छन् । एक युजरले लेखेका छन्, ‘तिमीहरु दुवै बलिउडको फेवरेट कपल हौं ।’ अन्य लाखौं फ्यानहरुले पनि अभिनेत्री दिशा पटानीलाई जन्मदिनको शुभकामना दिइरहेका छन् ।
लामो समयदेखि अभिनेता टाइगर श्रफ र दिशा पटानीले एक अर्कालाई डेट गरिरहेका छन् । तर, उनीहरुले कहिल्यै पनि आफ्नो प्रेम सम्बन्धलाई आधिकारिक रुपमा घोषणा भने गरेका छैनन् । यो जोडी कयौं पटक सिल्भर स्क्रिनमा सँगै देखिइसकेका छन् । रियल लाइफमा पनि यो जोडी सँग–सँगै देखिदै आएका छन् ।