सुशान्तसिंह राजपुतलाई सबै भन्दा बढी डर मृ’त्युसँग लाग्थ्यो !
काठमाडौं, १० असार । बलिउडका कुशल अभिनेता सुशान्तसिंह राजपुतले आत्मह’त्या गरेका एक साता बढी भइसकेको छ । अहिले सोसल मिडियाहरुमा अभिनेता सुशान्तसिंहसँग जोडिएको भिडियो र तस्वीरहरु भाइरल बनिरहेको छ ।
३४ वर्षीय अभिनेता सुशान्तले किन आत्मह’त्या गरे भन्ने कुरा अझैं पनि खुल्न सकेको छैन । सोसल मिडियामा भाइरल बनिरहेको पूरानो भिडियोमा सुशान्तलाई सबै भन्दा बढी डर के सँग लाग्छ ? भनेर प्रश्न गरिएको छ ।
प्रतिउत्तरमा सुशान्तले भनेका छन्, ‘थाहा छैन । सायद मृ’त्यु ।’ उनले फेरि भनेका छन्, ‘म तीन घण्टा मात्रै सुत्छु । उक्त तीन घण्टामा मलाई थाहा हुन्न म को हुँ ।’
बलिउड उद्योगमा सुशान्तलाई एक मल्टिट्यालेन्टेड अभिनेताको रुपमा चर्चित थिए । उनको पछिल्लो फिल्म ‘छिछोरे’ थियो, जुन २०१९ मा दर्शकमाझ रिलिजमा आएको थियो । उक्त फिल्मले बक्स अफिसमा राम्रो कमाई गरेको थियो ।
सुशान्तको अन्तिम फिल्म ‘दिल बिचरा हो । यो फिल्ममा उनी संजना संघीको साथमा देखिनेछन् । कोरोना महामारीका कारण निर्माण पक्षले यो फिल्मको रिलिज मिति घोषणा गर्न सकेको छैन ।