चर्चित अभिनेत्री कोयल मल्लिकलगायत पूरै परिवारलाई कोरोना संक्रमण !
काठमाडौं, २७ असार । बंगाली फिल्मकी चर्चित अभिनेत्री कोयल मल्लिक र उनकी बुबा (अभिनेता) रंजित मल्लिकलाई कोरोना संक्रमण भएको छ । अभिनेत्री कोयल आफैले ट्वीटर अकाउन्टमा आफ्नो प्रसंशकहरुलाई आफू र आफ्नो परिवारलाई कोरोना संक्रमण भएको जानकारी दिएकी हुन् ।
उनले भनेकी छन्, ‘म बाहेक मेरो आमा–बुबा र श्रीमान निशपाल सिंह उर्फ राणेमा पनि कोरोना संक्रमण पुष्टि भएको छ । यस्तो अवस्थामा हामी सबै होम क्वारेन्टाइमा रहेका छौं ।’
अभिनेत्री कोयलले ५ मेमा एक बच्चालाई जन्म दिएकी छन् । यसरी आफू र आफ्नो पूरै परिवारलाई कोरोना संक्रमण पृष्टि भएको जानकारी गराएसँगै अभिनेता कोयलकीे सहकर्मी र प्रसंशकहरुले चाडै ठीक हुन कामना गर्दै म्यासेज पोष्ट गरिरहेका छन् ।