अराजक राजावादी आन्दोलनका क्रममा पत्रकार रजकसहित दुईको मृत्यु, १५ सुरक्षाकर्मी घाइते
अराजक राजावादी आन्दोलनका क्रममा पत्रकार रजकसहित दुईको मृत्यु, १५ सुरक्षाकर्मी घाइते
infotainment
प्रकाशित मिति :
शुक्रबार, चैत्र १४ २०८१
काठमाडौं। तीनकुने क्षेत्रमा शुक्रबार भएको अराजक राजावादी प्रदर्शनका क्रममा दुईको मृत्यु भएको छ । प्रदर्शनकारीहरूले तीनकुनेस्थित एक भवनमा आगजनी गरेपछि सो भवनको छतमा रहेको एभिन्यूज टिभीका पत्रकार सुरेश रजकको आगोले जलेर मृत्यु भएको प्रहरीले जनाएको छ।
उनले भिडियो खिचिरहेका बेला आगोमा परी ज्यान गुमाएका हुन्। त्यस्तै राजावादी प्रदर्शनका क्रममा गोली लागेका एक युवकको उपचारको क्रममा मृत्यु भएको पनि जनाइएको छ। कीर्तिपुर निवासी २९ वर्षीय सविन महर्जनको घाँटीमा गोली लागेको थियो । उनको महाराजगञ्जस्थित त्रिवि शिक्षण अस्पतालमा उनको मृत्यु भएको हो।
गृहमन्त्रालयका अनुसार, सो प्रदर्शनका क्रममा झडपमा १५ सुरक्षाकर्मी घाइते भएका छन्। प्रदर्शनकारी पक्षबाट दुई दर्जनभन्दा बढी व्यक्तिहरू घाइते भएका छन्।
प्रतिकृया दिनुहोस
सम्बन्धित समाचार
ट्रेन्डिङ
चर्चित
ताजा अपडेट
