कंगनाको निशानामा आलिया, भनिन्–‘अवार्ड लिन लाज लागेन ?’

मुम्बई, ५ साउन । दिवंगत अभिनेता सुशान्तसिंह राजपुतले आत्मह’त्या गरेसँगै अभिनेत्री एवं निर्देशक कंगना रनौतले बलिउड माफिया र इन्डष्ट्रीसँग जोडिएका ठूल्ठूला खुलासा गर्दै आएकी छन् ।

अभिनेत्री कंगनाले केही चर्चित हस्तीहरुको नाम लिदै अभिनेता सुशान्तसिंह राजपुतको मृत्युको जिम्मेदार ठहराएकी छन् ।

भर्खरै पनि एक अन्तर्वार्ताको क्रममा अभिनेत्री कंगनाले अभिनेता सिुशान्तसिंह राजपुतको मृत्युबारे बाल्दै बलिउडका चर्चित हस्तीहरु र बाहिरको मान्छेहरुको रवैयाबारे सत्यताको उजागर गरेकी छन् ।

कंगनाले भनेकी छन्, ‘उनीहरुलाई यो देखेर डर लागिरहरेको होला कि मलाई आईफा, लण्डनमा कसरी अपमानित गरेका थिए ? जबकि बलिउडको नेपोटिज्म ¥याकेट जनतामाझ आइसकेको छ । तर, पनि यस विषयमा कोही पनि रोकिएका छैनन्, अवार्ड समारोहमा एक–अर्काको ढाडमा थपथपाउनका लागि कति ठूलो घोटला गर्छन् ?’

त्यस्तै, अभिनेत्री कंगनाले बिना कुनै आधारको नामांकन र चयनको अनुचित व्यवहारको बारेमा पनि चर्चा गरेकी छन् । उनले ‘‘गली ब्वाय’मा १० मिनेटको रोलको लागि मेन लिड अवार्ड स्वीकार्नु आलियालाई लाज लागेन ?’ भन्दै प्रश्न समेत गरेकी छन् ।

त्यस्तै, आफ्नो फिल्म ‘क्वीन’को उत्कृष्ट प्रदर्शन हुँदा हुँदै पनि ‘ह्याप्पी न्यू इयर’बाट अभिनेत्री दीपिका पादुकोणलाई अवार्ड दिइएको प्रति पनि उनले आपत्ती जनाएकी छन् ।