आठ वर्षको उमेरमा कस्तो देखिन्थिन् आभिनेत्री आलिया ? (तीन तस्वीर)
infotainment
प्रकाशित मिति :
आइतबार, बैशाख २८ २०७७
काठमाडौं, २८ बैशाख । पछिल्लो समय सोसल मिडियामा बलिउडकी क्यूटी अभिनेत्री आलिया भट्टको थ्रोव्याक भिडियो भाइरल बनिरहेको छ । जहाँ ८ वर्षीया आलिया भट्टले आफ्नो भविष्यको बारेमा कुराकानी गरेकी छन् ।
उक्त भाइरल भिडियो चर्चित टीभी शो ‘जीना इसीका नाम है’को हो । उक्त भिडियोमा फिल्म निर्माता÷निर्देशक महेश भट्टको पूरै परिवार देखिएका छन् । जहाँ, आलियाले आफ्नो सौतेनी दिदी पूजा भट्टसँग कुराकानी गर्दै भविष्यमा आफू अभिनेत्री बन्ने बताइरहेकी छन् ।
उक्त थ्रोव्याक भिडियोमा अभिनेत्री आलियाकी बहिनी शाहीन पनि सँगै देखिएकी छन् । भाइरल भिडियोमा ‘शो’का प्रस्तोता सुरेश ओबेराँयले ८ वर्षीया आलियालाई के बन्न चाहन्छौ ? भनेर प्रश्न गरेका छन् ।
जवाफमा आलियाले विश्वासमा साथ भन्छिन्, ‘म एक्ट्रेस बन्छु ।’ यस भिडियो हेरेर तपाई हामीलाई अभिनेता शाहरुख खानको फिल्म ‘ओम शान्ति ओम’को एक डाइलग पनि सत्य लाग्न सक्छ ।
करण जोहरको ‘स्टुडेन्ट अप द इयर’बाट बलिउडमा डेब्यू गरेकी आलिया पछिल्लो पुस्ताको डिमान्डेड र सफल अभिनेत्रीको रुपमा चर्चित छन् ।
