कोरोना रोकथामका लागि अभिनेत्री उर्वशीको पाँच करोड सहयोग !

काठमाडौं, ३० बैशाख । कोरोना भाइरस महामारी रोकथाम तथा नियन्त्रणका लागि केही बलिउड कलाकारहरुले आ-आफ्नो तवरबाट सहयोग गरिरहेका छन् ।

सलमान खान, अक्षय कुमार, शाहरुख खानलगायतले आ-आफ्नो स्तरबाट डोनेट गरेका छन् । त्यस्तै, उनीहरुले कोरोना प्रभावितहरुलाई पनि सहयोग गर्ने कोसिस गरेका छन् ।

त्यस्तै, अभिनेत्री उर्वशी रौतेलाले पनि कोरोना रोकथाम तथा नियन्त्रणका लागि पाँच करोड रुपैयाँ भारु डोनेट गरेकी छन् । उनले यस लडाईमा सँगै हिँड्नु आवश्यक रहेको र कुनै पनि दान सानो नहुने बताएकी छन् ।

भर्खरै मात्र अभिनेत्री उर्वशी रोतेलाले इन्स्टाग्राममा आफ्नो प्रशंसकहरुलाई भर्चुअल डान्स मास्टरक्लासको जानकारी दिएकी थिइन् । यस क्लासमा उर्वशीले आफ्नो प्रशंसकहरुलाई जुम्बा, तबाटा र ल्याटिन डान्स सिकाएकी छन् ।

त्यस्तै, टिक टकमा डान्स मास्टर क्लास चलिरहेको समयमा १.८ करोड जना उर्वसीसँग जोडिएका छन् । त्यहीमार्फत उर्वशीले पाँच करोड भारतीय रुपैया पाएकी थिइन् । सोही रुपैया उनले कोरोना भाइरस रोकथाम तथा नियन्त्रणका लागि दान गरेकी हुन् ।

उनले भनेकी छन्, “मैले अभिनेताहरु, राजनेताहरु, संगीतकारहरु, पेशेवर एथलेटिकहरुलगायत सम्पूर्णलाई धन्यबाद दिन चाहन्छु, जसले कोरोना भाइरसविरुद्ध लड्नका लागि सहयोग गरेका छन् । कुनै पनि दान सानो हुदैन । हामी सबै मिलेर यस भाइरसलाई हराउन सक्छौं ।”