डिजिटल डेब्यूका लागि तयार अभिनेत्री अनुष्का, ‘पाताल’ मार्फत निर्मात्री बन्दै

काठमाडौं, १३ बैशाख । कोरोना भाइरस संक्रमणलाई मध्यनजर गर्दै विभिन्न देशमा लकडाउन जारी गरिएको छ । यस्तो लकडाउनको समयमा मानिसहरु मनोरञ्जनका लागि सोसल मिडिया र स्ट्रिमिंग सर्भिसमा निकै निर्भर छन् ।

सबैतिर लकडाउन जारी भएपछि नेटफ्लिक्स र अमेजन दुवैले राम्रो र दमदार कन्टेन्ट लिएर आइरहेका छन् । यसैबीच विहीबार अमेजन प्राइमले आफ्नो आगामी सिरिजको घोषणा गरिदिएको छ ।

अमेजनको आगामी ओरिजिनल सिरिजको नाम ‘पाताल’ लोक राखिएको छ । यसलाई अभिनेत्री अनुष्का शर्माको प्रोडक्शन हाउस क्लीन स्लेट फ्लिम्सले निर्माण गर्न लागेका हुन् ।

उक्त सिरिजको टाइटल र कलाकारहरु शुक्रबार मात्रै सार्वजनिक गरिएको हो । यस वेब सिरिजको टिजर पनि सार्वनजनिक गरिएको छ । डिजिटल सेक्शनमा अभिनेत्री शनुष्का शर्माले निमात्रीको रुपमा डेब्यू गरेकी छन्, जसको कारण पनि अमेजनमा उनको इन्ट्री लोकप्रिय हुने आँकलन गरिएको छ ।

जानकारी अनुसार यस सिरिज स्वर्गलोक, धर्तीलोक र पाताललोकको प्राचीन क्षेत्रबाट प्रेरित छ । यसलाई मे १५ मा रिलिज गरिने बताइएको छ । यस सिरिजमा निरज काबी, गुल पनाग, जयदीप अहलावतलगायत मुख्य भूमिकामा हुनेछन् ।